حلويات عيد الفطر مغربية متنوعة وراقية ومختلفة فالمذاقات

134

- الإعلانات -

وصفة الاخت ورقة الحنة تبارك الله عليها

المقادير :

250 غ زبدة او ماركرين نوع جيد .. رشة ملح .. جوج معالق زيت
كاس سكر سنيدة … تنقص من الحلاوة لان التزيين فيه اشياء حلوة
فانيلا .. شوية اللوز مطحون مزيااان او كوك محمر شوية ومطحون حسب الذوف
جوج معالق مايزينة .. جوج بيضات كاملين وصفار بيضة اخرى
الدقيق حسب الخليط غالبا مابين 500 او 600 غ دقيق ابيض ممتاز .. القلييييل جدااا
من خميرة الحلوى

الطريقة :
تنخدمو الزبدة مزيان مع قبيصة الملح والسكر مزياان مزياان ونضيف الفاني واللوز او الكوك ونمزجو العناصر ونضيف البيض والنشا ثم الدقيق والخميرة ونجمعوها بدون منعجنوها او ندلكوها لانو عجين صابلي غير نجمعوه منبالغوش في عجنه ونعملوها فبلاستيك غذائي ونخلوها فالثلاجة ترتاح ساعة او حتى ثلاث ساعات
نجبدوها من الثلاجة ونخدمو بيها كيف بغينا
انا تنخرج بزااف ديال الاشكال من عجين واحد و تنوع فالتزيين والمذاقات باش يجي صابلي مميز وراقي ومتنوع ومختلف المذاقات
طرق التزيين فالصور





 

بالنسبة لهاد الحلوى تتجي رائعة فالمذاق ,,, تنطلع بياض البيض .. جوج او ثلاثة ,,مع قبيصة الملح وكاس صغير سكر سنيدة وفاني حتى يولي عندنا مورانك ونحبس من الباطور ونضيف الكوك شوية بشوية ومعلقة كبيرة زيت وقشرة الحامض وتخلي الخليط خفيف بحيث يخرج من البوق.. انا عندي بوق وسعت ليه عيونو وتنستعملو لهاد الحلوى .. المهم تتخرجي خليط الكوك بالبوق فوق دوائر الصابلي وعاد دخليهم يطيبو




حلويات عيد الفطر